מנחם ערנסטער
הרב מנחם ערנסטער (געב' ט"ו תמוז תש"י, 30סטן יוני 1950) איז דער ראש ישיבה פון דער בית ישראל ודמשק אליעזר ישיבה אין בני ברק.
 | |
| הרב מנחם ערנסטער | |
| געבורט |
30 יוני 1950 (אלט 73) ט"ו תמוז תש"י  |
|---|---|
| מדינה |
ישראל |
| באשעפטיגונג | ראש ישיבה |
  | |
לעבנסגעשיכטע רעדאַקטירן
הרב מנחם איז געבוירן געווארן אין ארץ ישראל אין יאר ה'תש"י, צו זיין פאטער, הרב משה ערנסטער, נשיא פון די מאור חיים פערטלן אין צפת און ירושלים, און צו מרת שבע ברכה, טאכטער פון רבי חיים מאיר האגער, דער פערטער וויזשניצער רבי. ער האט געהייראט זיין שוועסטער־קינד מרת הינדא, טאכטער פונעם וויזשניצער רבי'ן, רבי משה יהושע האגער . נאך דער פטירה פון זיין זיידן דער אמרי חיים, האט זיין שווער, וואס איז ביז דעמאלטס געווען ראש ישיבה אין וויזשניץ, אים באקרוינט איבערצונעמען זיין ארט אלס ראש ישיבה. אין דעם אמט פירט ער די ישיבה, און יעדע וואך לערנט ער פאר א שיעור כללי.
אלע יארן איז ער געווען א חסיד פון זיין שווער, און נאך זיין שווער'ס פטירה איז ער געווארן א חסיד פון זיין שוואגער רבי ישראל. זייער אפט איז ער מסדר קידושין און נעמט אנטייל אין חתונות פון זיין שוואגער׳ס חסידים אין זיין שליחות.
משפחה רעדאַקטירן
די קינדער פון הרב מנחם ערנסטער און מרת הינדא זענען:
- מרת שרה סאשא, די ווייב פון הרב ברוך שטערנבוך, רב פון דער וויזשניצער קהילה אין מודיעין עילית, זון פון רבי אליהו שטערנבוך, דער אמאליגער ראב"ד "מחזיקי הדת" אנטווערפן, איידעם פון הרה"ק רבי ברוך האגער
- הרב ישראל, האט געהייראט מרת אסתר צירל, טאכטער פון רבי שמעון נתן נטע בידערמאן פון לעלאוו בני ברק — משגיח אין דער וויזשניצער ישיבה, בית ישראל ודמשק אליעזר אין קרית וויזשניץ, בני ברק.
- הרב חיים מאיר, האט געהייראט מרת יוכבד, טאכטער פון רבי יהושע העשיל אייכנשטיין פון זידיטשוב-שיקאגא רב פון די וויזשניצער חסידים אין מאנטשעסטער.
- הרב יעקב שמשון, האט געהייראט מרת צירל יוכבד, טאכטער פון הרב מאיר כ"ץ פון סערעטער רבנים אין חיפה — איינער פון די וויזשניצער ראשי ישיבות אין אלעד
- מרת ריקל גיטל, די ווייב פון הרב בן ציון אריה לייבוש מייזליש, זון פון רבי יעקב ישראל ישורון, רב פון די באבאווער חסידים אין בת ים און אן איידעם ביי הרה"ק רבי שלמה האלבערשטאם פון באבאוו.
- הרב ברוך שמעון, האט געהייראט מרת פריידא מילכה, טאכטער פון רבי שמואל לוריא, וויזשניצער דיין אין אנטווערפן, או א זון פון רבי משולם זושא לוריא, וויזשניצער דיין און בני ברק
- מרת מרים העניא, די ווייב פון הרב חיים מרדכי אשכנזי, זון פון הרב שלום אהרן אשכנזי, ראש ישיבת נאדווארנא און אן איידעם פון רבי יעקב ישכר בער ראזנבוים, נאדווארנער רבי.
 | דער ביאגראפישער ארטיקל וועגן א רב איז א שטומף. דאס הייסט עס פעלן אין אים גרונטלעכע אינפארמאציע איבערן פארשטאנד פון דער טעמע. ביטע העלפֿט דאס פֿארברייטערן. |