רבי מאיר הלוי ראטנבערג פון אפטא (ה'תק"ך - כ"ה תמוז ה'תקצ"א) איז געווען א רבי פון חסידים און אב"ד אין דער שטאט אפטא אין קאנגרעס פוילן. פון אים שטאמט די אפטער רביס.

מאיר הלוי ראטנבערג
געבורט 1760
אפטא, פוילן רעדאקטירן דעם פֿאקט ביי וויקידאטן
טויט 26 יולי 1829 (אלט 69 בערך)
אפטא, פוילן רעדאקטירן דעם פֿאקט ביי וויקידאטן
קבורה ארט אפטא רעדאקטירן דעם פֿאקט ביי וויקידאטן
פאך רב רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער

ביאגראפיע רעדאַקטירן

רבי מאיר הלוי איז געבוירן געווארן צו זיין פאטער רבי שמואל סג"ל הלוי ראטנבערג, אן אייניקל פונעם של"ה, און צו זיין מוטער פייגא אן אייניקל פונעם ש"ך. יונגערהייט איז ער געווארן פאר'יתומ'ט פון זיין פאטער, און זיין מוטער האט אים געהאדעוועט אליין.

ער האט געלערנט אין דער ישיבה פון רבי אברהם יצחק הכהן כ"ץ, מחבר פונעם ספר "כתר כהונה" און אב"ד אין סטאפניץ און פינטשעוו. שפעטער איז ער געפארן צום חוזה פון לובלין און ער איז געווארן פון זיינע פעסטע חסידים.

רבנות רעדאַקטירן

ווען הרב אברהם יהושע העשיל האט פארלאזט דאס אפטער רבנות אין תקס"ח, האט רבי מאיר איבערגענומען די שטעלע, וואס ער האט געהאלטן ביז זיין לעצטן טאג אין תקצ"א.

שבת פרשת פינחס תקע"ה איז ר' מאיר'ל געפארן קיין לובלין צום חוזה. יענעם שבת האט דער חוזה נישט עולה געווען לוי אליין, נאר געגעבן די עליה צו רבי מאיר'ל. דעם בעל קורא האט דער חוזה געהייסן לייענען די פרשה פון לוי ביז דער פרשה "יפקד ד' אלקי הרוחות לכל בשר". מיט דעם האט ער באשטימט ר' מאיר'ל פאר זיין נאכפאלגער און טאקע צוויי וואכן שפעטער איז דער חוזה נסתלק געווען.‏[1]

רבי מאיר האט זיך שטארק דערקעגנט צו דער פרשיסכער שיטה.

משפחה רעדאַקטירן

רבי מאיר איז געווען אן איידעם ביי רבי אהרן "נסתר".זייערע קינדער:

  • רבי ישראל פון סטאשעוו (נפ' ה' תמוז תר"ב)
  • רבי פינחס פון אפטא (נפ' תקצ"ז) איידעם ביי רבי חיים יעקב שטראם אב"ד דוקלא. ממלא מקום פון זיין פאטער אין אפטא.
  • די ווייב פון רבי מנחם מענדל רובין פון גלאגאוו (נפ' תרל"ה)
  • די ווייב פון הרב לייבוש נייהויז פון טאמאשאוו, זון פון רבי יוסף קעזיס פון חעלמא
  • די ווייב פון הר"ר קאפל, זון פונעם חוזה'ס שוועסטער

פון זיינע תורות רעדאַקטירן

רבי יצחק אייזיק ווייס, רב פון סוואליאווע האט געזאגט: איך האב געהערט פונעם סטאפניצער צדיק (רבי מאיר הלוי ראטנבערג) אז איינער וואס שערט זיינע נעגעלעך ערב שבת און איז מעביר סדרה דווקא ערב שבת פאר חצות, איז ער פארזיכערט נישט קומען צו קיין הארבע עבירות א גאנצע וואך.‏[2]

ספרים רעדאַקטירן

זיינע תורות זענען געדרוקט אינעם ספר אור לשמים און אין קהל צדיקים

רעפערענצן רעדאַקטירן

  1. ירבה תורה ח"ב, געברענגט אין שבת בשבתו, נומער 919, כ"ג תמוז תשע"ב
  2. דברי יצחק אות לד, געברענגט אין שבת בשבתו, נומער 919, כ"ג תמוז תשע"ב