אונטערשייד צווישן ווערסיעס פון "מאדזשיץ (הויף)"

דער גרינדער פונעם מאדזשיצער חסידות איז געווען רבי ישראל טאבטויב, א זון פון רבי [[שמואל אליהו טויב (זוואלין)|שמואל אליהו זוואלינער]], א זון פון רבי [[יחזקאל טויב]] פון [[קאזמיר (הויף)|קאזמיר]].

אין תרמ"ט, א יאר נאך דער פטירה פון זיין פאטער, דער רבי פון זוואלין, האט מען אויפגענומען רבי ישראל רב און אב"ד אין [[דעמבלין|מאדזשיץ]]. שטארק באוואוסט איז דער לאנגער ניגון "אזכרה" וואס רבי ישראל האט קאמפאזירט נאך זיין אפעראציע אין [[בערלין]] ווען ער האט געליטן פון [[צוקערקרענק|צוקער]]. נאך זיין פטירה האט איבערגענומען די רביסטעווע זיין זון רבי [[שאול ידידיה אלעזר טויב|שאול ידידיה אלעזר טאב]]. ער האט זיך באזעצט אין [[אטוואצק]] וואו ער האט געפירט דעם הויף ביז דער [[צווייטע וועלט מלחמה|וועלט מלחמה]]. נאך א שטיק צייט אין [[יאפאן]] איז דער רבי אנגעקומען אין [[ניו יארק סיטי|ניו יארק]]. בסוף ימיו האט ער געוואוינט אין [[תל אביב]]. ער האט קאמפאזירט מער ווי א טויזנט ניגונים. זיין זון, רבי [[שמואל אליהו טאבטויב (מאדזשיץ)|שמואל אליהו]] האט איבערגענומען די רביסטעווע אין תל אביב, ביז זיין פטירה אין תשמ"ד. זיין נאכפאלגער איז געווען זיין איינציקער זון, רבי [[ישראל דן טאבטויב]]. אין זיינע יארן איז דער הויף אריבער קיין [[בני ברק]]. דער היינטיקער רבי איז זיין עלטערער זון רבי [[חיים שאול טאבטויב]].