אונטערשייד צווישן ווערסיעס פון "ענטראפיע"

אינהאַלט אויסגעמעקט אינהאַלט צוגעלייגט
געעפענט א נייע בלאט
טאַגן: מאביל־רעדאַקטירונג מאביל וועב־רעדאקטירונג
(קיין אונטערשייד)

רעוויזיע ביי 03:20, 6 יוני 2018

ענטראפיע איז די שאצינג פון ווי שכיח א מצב פון א סיסטעם איז. די ווייניגער שכיח א מצב איז די ווייניגער ענטראפיע עס האט, און די מער שכיח עס איז די מער ענטראפיע עס האט.

נאך א וועג פון מסביר זיין ענטראפיע איז ווי מסודר א זאך איז. די מער מסודר א סיסטעם איז די ווייניגער ענטראפיע עס האט, און די ווייניגער מסודר עס איז די מער ענטראפיע עס האט. דאס איז ריכטיג ווייל על פי רוב איז דא פיל מער וועגן פאר א סיסטעם צו זיין אומ'מסודר ווי צו זיין מסודר.

די צווייטע געזעץ פון טערמאדינאמיקס זאגט אז א פארמאכטע סיסטעם וועט קיינמאל נישט ווערן נידריגער אין ענטראפיע, נאר די ענטראפיע וועט פארמערן ביז עס קומט אן צו איקוויליבריום. דאס הייסט אז זאכן האבן א נטייה צו זיין אומ'מסודר'דיג, און א מסודר'דיגע זאך אין א פארמאכטע סיסטעם וועט ווערן מער און מער אומ'מסודר אין די עתיד ביז עס איז די מערסטע אומ'מסודר עס קען זיין, אבער צוריק גייט עס נישט. למשל, א גאנצע איי איז אין א נידריגע ענטראפיע מצב, און א צעקראכטע איי איז און א הויכע אינטראפיע מצב, א גאנצע איי קען ווערן צעקראכט אבער א צעקראכטע איי ווערט נישט גאנץ. היץ צעשפרייט זיך פון א הייסערע פלאץ צי א קעלטערע פלאץ ביז אלעס איז די זעלבע הייס, אבער היץ וועט זיך נישט מרכז זיין צו א קלענערע פלאץ. פוד-קאלארינג אין א גלאז וואסער וועט זיך צעשפרייטן ביז די גאנצע גלאז וואסער איז די זעלבע פארב, אבער א צעמישטע גלאז וואסער מיט קאלארינג וועט זיך נישט צוריק צעטיילן.

אין א אפענע סיסטעם קען אינטראפיע ווערן נידריגער אבער די אינטראפיע פון די גאנצע סיסטעם מיז ארויפגיין. למשל, א עירקאנדישענער קען מאכן היץ גיין פון א קעלטערע פלאץ צי א הייסערע פלאץ, אבער די היץ וואס די עירקאנדישענער געט ארויס מיז זיין מער ווי וויפיל עס מאכט קאלט די צימער, קומט אויס אז די גאנצע סיסטעם איז געווארן העכער אין ענטראפיע. דו קענסט מסדר זיין דיין צימער, אבער ווען דו ביסט מסדר דיין צימער פארברענטסטו קאלעריס און עס צעשפרייט היץ און די היץ פארמערט ענטראפיע נאך מער פון וויפיל די צימער איז געווארן ווייניגער אין אינטראפיע, קומט אויס אז די אינטראפיע פון די גאנצע סיסטעם איז ארויף.