ער איז געבוירן געווארן כ״א[[כ"א אדר]] תרע״ח אין [[בודאפעשט]], [[אונגארן]] צו רב יוסף אריה לארינץ, זון פון הרב יצחק לורינץ [[רב|גאב"ד]] גרויס-אראס. אין די יארן השנים 1933–1935 האט ער געלערנט אין דער [[פאפא|פאפער]] ישיבה אין אונגארן ביי הרב [[יעקב יחזקיהו גרינוואלד (א)|יעקב יחזקיה גרינוואלד]]. אין סוף 1935 איז ער געפארן אין פוילן צו לערנען אין דער [[מירער ישיבה]]. דערנאך איז ער צוריקגעפארן אין אונגארן. פאר דער [[צווייטער וועלט-מלחמה]] איז ער געווען טעטיג אין דער אומלעגאלע אימיגראציע ארגאניזאציע פון [[אגודת ישראל]] אין [[אונגארן]].
ער האט געדינט אין דעם [[כנסת]] 33 יאר פונעם [[30סטן יולי]] [[1951]] ביזן [[23סטן יולי]] [[1984]] וויאלס א דעפוטאט פון דער [[אגודת ישראל]] פארטיי. דורכאויס זיין קאדענץ האט ער געארבעט אז מ׳זאל געבן געלט פאר די תלמידים פון די ישיבות.
נאך זיין קאדענץ אינעם כנסת האט מען אים באשטימט פארזיצער פון דעם ראט פון עצה׳ט דעם [[באנק פון ישראל]], פון 1987 ביז 2003. זיין חתימה ערשיינט אויף אלע באנקנאטן פון יענע יארן. אין [[1989]] איז ער געווען איינער פון די וואס האבן אויפגעשטעלט די ליטווישע פארטיי [[דגל התורה]].
צענדליגע יארן האט ער געוואוינט אין [[בני ברק]]. אין זיינע לעצטערלעצטערע יארן האט ער געוואוינט אין [[קרית מאטערסדארף]], [[ירושלים]]. ער האט מקדיש געווען זיין צייט צו לערנען תורה, און האט ארויסגעגעבן א ספר פון חידושי תורה "מילואי שלמה". אויך האט ער פארעפנטלעכט זיין [[אויטאביאגראפיע]] "במחיצתם של גדולי תורה" (2 בענדער).
