ר' '''מרדכי יוסף ליינער''' ([[ה'תקס"א]]-[[אז' טבת]] [[ה'תרי"ד]]) איז דער ערשטער און דער גרינדער פון דעם חסידות און דינאסטיע פון [[איזשביצא]].
== זיין גרויסער יחוס ==
ר' מרדכי יוסף איז געבוירן אין דער שטאט [[טאמאשאוו]] אין [[פוילן]], זיין פאטער איז געווען ר' יעקב, א תלמיד פונעם [[יעקב טומשוביצחק הורוויץ|חוזה פון לובלין]],. ער האט געשטאמט פון גרויסע לייט, די משפחה איז געווען גאר גרויסע מיוחסים, ר' יעקב איז געווען א זוהן פון ר' מרדכי דער זוהן פון ר' יצחק וואס מען האט גערופן ר' [[יצחק בעל מופת]], איינער וואס האט געמאכט וואונדערליכע זאכן פאר אידן, א זוהן פון ר' [[יהושע העשיל פון טארנאפאל]] דער רב פון טארנאפיל, דער זוהן פון דער גאון ר' [[צבי הירש פון לובלין]] דער רב פון [[לובלין]], ר' צבי הערש איז געווען א זוהן פון דעם באקאנטן גאון ר' [[זכריה מענדל פון קראקע]], וואס מען האט גערופען ר' זכריה הנביא, ער האט געשאטאמט פון ר' משה וואהל, דער רב פון חעלמא, דער זוהן פון ר' מאיר וואהל, דער זוהן פון דעם באקאנטן עסקן און גרויסן תלמיד חכם ר' [[שאול וואהל]] וואס האט זוכה געווען צו זיין דער קעניג פון פוילן אויף איין נאכט.