צבי הירש אשכנזי

דער גאון רבי צבי אשכנזי איז געווען פון די גרעסטע גאונים אין זיין צייט, ער איז מער באקאנט מיט זיין ספר שו"ת חכם צבי. ער איז געווען א אייניקל פון דעם גאון שער אפרים.

ער איז געווען רב אין אמסטרדאם אבער האט דארט געהאט אסאך שונאים וואס האבן איהם וויי געטוהן. אבער אלע וואס האבן איהם געטשעפעט האבן געליטן שווערע שטארף ווי זיין זוהן פארציילט אין זיין ספר עדות ביעקב דמ"ח ע"ב.

זיין זוהן איז דער באקאנטער גאון רבי יעקב עמדין באקאנט אלס דער יעב"ץ.

דער יעב"ץ שרייבט אויף זיין טאטע: אלע חכמים פון אונזער דור זאגן עדות אז מיין טאטע איז געווען א אוצר בלום פון דער תורה ער האט געקענט מקרא, משנה, ש"ס, אלעס איז געווען געוואנט אויף זיין מויל אויף אויסענווייניג (שו"ת שאילות יעב"ץ ח"א סי' כ"ד).

ער איז געווען באקאנט אין די טויערן פון חכמה, ער האט געקענט דעם גאנצען זוהר און קבלת האר"י הק' איז געוען זיין לערענן יעדן טאג, אבער דאס איז געווען פארהוילן און בצנעה (סידור יעב"ץ בהקדמה).