אסקאר שינדלער

אסקאר שינדלער (דעם 28טן אפריל, 1908 – דעם 9טן אקטאבער, 1974) איז געווען א טשעכישער פאלקסדויטש, אן אינוועסטירער אין אינדוסטריע.

אסקאר שינדלער
Oskar Schindler

געבורט	28 אפריל 1908 טשעכיי
טויט	9 אקטאבער 1974 (אלט 66) דייטשלאנד
מדינה	נאצי דייטשלאנד, מערב דייטשלאנד
קבורה ארט	הר ציון
www.oskarschindler.com

ער איז אנגעקומען קיין פוילן, נאכן דייטשן אריינמארש. און אין דער קראקעווער אומגעגנט, האט ער אויפגעשטעלט זיין פאבריק, ער האט באשעפטיגט איבער 900 יידישע ארבעטער, וואס ער האט געראטעוועט פון קראקעווער געטא, און פון פלאשעווע ארבעטס לאגער.

אין יאר 1944, האט ער אריבערגעפירט זיין פאבריק, צום סודעטן-געביט אין טשעכיי, ער האט אריבער געברענגט 800 יידן, פון די גראסראזן לאגער, און נאך 300 יידישע פרויען פון אוישוויץ.

אין זיין פאבריק, האבן אלע ארבעטער באקומען מענטשליכע באציונגען, אן קיין סאדיסטישע פייניגונגען, אלע זיינע ארבעטער אן אויסנאם האבן איבערגעלעבט. יד ושם האט אים באצייכנט מיטן טיטל חסיד אומות העולם, ער איז געשטארבן 1974, ער איז באגראבן אין ירושלים, אויף הר ציון לעבן דער דורמציון קירכע.

פילם

אין 1993 האט ססטיווען ספילבערג געמאכט א פילם, שינדלערס ליסטע, וועגן שינדלער און ווי ער האט געראטעוועט יידן אין זיין פאבריק.